Şahzadə əmisinin taxt hüququndan məhrum edilməsini tələb edib - Kral III Çarlz isə...

Uels şahzadəsi və Britaniya taxtının varisi Uilyam ötən ilin payızında, keçmiş şahzadə Endryunun taxt hüququndan məhrum edilməsini tələb edib.

Publika.az xəbər verir ki, bu barədə "The Independent" məlumat yayıb.

Bildirilir ki, şahzadə Uilyam gələcək kral kimi kral ailəsinin Endryu Mauntbatten-Vindzordan uzaqlaşdırılması prosesinin gecikməsindən narazı qalıb. O, oktyabr ayının əvvəlində əmisinin tacın varisləri siyahısından çıxarılmasını tələb edib. Lakin Kral III Çarlz kiçik qardaşının 2026-cı ilin fevral ayında həbs olunmasına qədər bu addımı dəstəkləməkdə tərəddüd edib.

Qeyd olunur ki, hökumət hazırda qanunvericilik dəyişikliklərini nəzərdən keçirir, lakin proses illərlə uzana bilər və yalnız Endryu ilə bağlı istintaq başa çatdıqdan sonra həyata keçiriləcək.

Avstraliya və Yeni Zelandiyanın baş nazirləri Endryunun varislik siyahısından çıxarılmasını dəstəklədiklərini açıqlayıblar. Sorğular göstərir ki, Böyük Britaniyada əhalinin 82 faizi də onun taxt-tac hüququndan məhrum edilməsini istəyir.

Adəm