Zelenski Avropa İttifaqını sərt tənqid etdi

Ukrayna Prezidenti Volodimir Zelenski Avropa İttifaqını (Aİ) Kiyevə ayrılacaq kredit və Rusiyaya qarşı yeni sanksiyalar məsələsində irəliləyişin olmamasına görə kəskin tənqid edib.

Publika.az xəbər verir ki, bu barədə o, öz "Telegram" kanalında bildirib.

"Aİ-nin Rusiyaya qarşı 20-ci sanksiyalar paketi ilə bağlı hələ də heç bir irəliləyiş yoxdur. Avropa bunun bizim üçün həyati əhəmiyyət kəsb etdiyini etiraf etsə də, Ukraynaya veriləcək 90 milyard avroluq yardım paketi ilə bağlı heç bir hərəkətlilik yoxdur", — deyə o qeyd edib.

Zelenski hər iki təşəbbüsün bloklanmasının hələ də davam etməsindən şikayətlənib. Hər iki paketi Macarıstan bloklayır.

Bundan əvvəl Zelenski, Budapeştin Kiyevə 90 milyard avroluq kreditin verilməsini əngəlləməyə son qoymayacağı təqdirdə, Macarıstanın Baş naziri Viktor Orbanın ünvanını və nömrəsini Ukrayna Silahlı Qüvvələrinə (USQ) verəcəyi ilə hədələmişdi ki, döyüşçülər siyasətçi ilə "öz dillərində" danışsınlar. Ukrayna lideri bu ssenariyə müraciət etməyi təklif edib.

Hüseyn İbadlı