Böyük Britaniyada böhran səngimir: Starmer onu qurban verdi

Böyük Britaniyanın Baş naziri Kir Starmer diplomatik xidmət rəhbəri Olli Robbinsi işdən çıxarıb.

Publika.az xəbər verir ki, "The Daily Telegraph" qəzetinin məlumatına görə, qərar 16 apreldə Peter Mandelsonun ABŞ-a səfir təyinatı ilə bağlı yeni detallar ortaya çıxdığı bir vaxtda verilib. Onun amerikalı maliyyəçi Ceffri Epşteynlə əlaqələri barədə əvvəllər məlumat verilmişdi.

Robbins Xarici İşlər Nazirliyində əsas vəzifə tutmuş, dövlət qulluğunun rəhbəri və xarici işlər nazirinin müavini vəzifələrini birləşdirmişdir. Formal olaraq, Böyük Britaniyada nazirlik rəhbəri vəzifəsini siyasətçi, inzibati idarəetməni isə karyera vəzifəli şəxslər həyata keçirir.

Mənbələrə görə, istefa ilə bağlı hələlik rəsmi açıqlama verilməyib. Lakin media orqanları əvvəllər Mandelsonun namizədliyinin təhlükəsizlik xidmətlərinin tam təsdiqinin olmamasına baxmayaraq irəli sürüldüyünü bildirmişdilər.

Hökumət bildirib ki, Starmer təyinat prosesinin təfərrüatlarından xəbərsizdir.

Xatırladaq ki, Mandelson qalmaqalından sonra Mühafizəkarlar Partiyasının lideri Kemi Badnok da daxil olmaqla müxalifət nümayəndələri baş naziri parlamentdə yalan açıqlamalar verməkdə günahlandırıblar və istefasını tələb ediblər.

Starmerin hərəkətlərini 20 apreldə millət vəkillərinə izah etməsi gözlənilir. O, əvvəllər Mandelsonu təyin etməkdən peşman olduğunu və qərarını verdiyi zaman Epsteyn ilə əlaqələrinin mahiyyətindən xəbərsiz olduğunu bildirmişdi.

Müəllif: Tural