Fransa bu şəxsləri Hörmüzə "qurban" verdi: Makrondan Trampa mesaj

Parisdə Hürmüz boğazındakı böhranla bağlı keçiriləcək beynəlxalq görüş ərəfəsində diplomatik qalmaqal yaşanır. Fransa prezidenti Emmanuel Makron görüşün formatını sərtləşdirərək NATO-nun Baş katibi Mark Rutte və Avropa Komissiyasının rəhbəri Ursula fon der Lyayeni qonaq siyahısından çıxarıb.

Publika.az xəbər verir ki, bu barədə "Financial Times" mənbələrinə istinadən məlumat yayıb.

Fransa tərəfi Londonun təklif etdiyi qonaq siyahısından Rutte və fon der Lyayenin adını iki dəfə silib. Yelisey sarayı bu görüşün yalnız dövlət liderləri səviəsində keçirilməsində israrlıdır. Maraqlıdır ki, ABŞ prezidenti Donald Tramp və digər amerikalı rəsmilər danışıqlarda iştirak etməyəcək. Lakin Böyük Britaniyanın Baş naziri Kir Starmer və Emmanuel Makron görüşün nəticələri barədə Trampı şəxsən məlumatlandırmağı planlaşdırırlar.

Qeyd edək ki, sammitə hazırlıq Hörmüz boğazı ətrafında vəziyyətin kritik həddə çatdığı bir vaxtda baş tutur. Dünya neft və mayeləşdirilmiş qaz tədarükünün təxminən beşdə biri məhz bu marşrut vasitəsilə həyata keçirilir.

Müəllif: Adəm