Ukrayna müharibəsi ilə bağlı bədbin proqnoz: Sonu görünmür

Slovakiyanın Baş naziri Robert Fitso Ukraynadakı münaqişənin yaxın gələcəkdə başa çatacağına dair optimist gözləntiləri real saymadığını bildirib.

Publika.az xəbər verir ki, o, bu fikirləri tələbələrlə görüş zamanı səsləndirib.

Fitso Avropa İttifaqının Ukraynaya 90 milyard avro həcmində “müharibə krediti” ayırmaq planına da münasibət bildirib. Onun sözlərinə görə, Ukraynada müharibənin bitməsi üçün heç bir perspektiv görünmür, çünki müharibəni davam etdirmək üçün kifayət qədər resurs var.

Baş nazir münaqişənin hərbi yolla həllinin mümkün olmadığını vurğulayaraq, Avropa ölkələrini Rusiya ilə dialoqu davam etdirməyə çağırıb. O, həmçinin mayın 9-da Moskvada Rusiya prezidenti Vladimir Putinlə görüşərək atəşkəs məsələsini gündəmə gətirməyi planlaşdırdığını deyib.

Fitso əlavə edib ki, Rusiyanın Krımı Ukraynaya qaytarması və Donetsk və Luqanskdan çıxması ilə bağlı gözləntilər real deyil. Onun fikrincə, uzunmüddətli müzakirələr döyüşlərin davam etməsindən daha məqsədəuyğundur.

Müəllif: Akqabay