Avropada anti-Rusiya ritorikasının mərkəzi haradır? - Elə faktlar üzə çıxdı ki...

Avropada Rusiyaya qarşı formalaşan siyasi və informasiya xəttinin əsas istiqamətləndiriciləri barədə diqqətçəkən iddia səsləndirilib.

Publika.az xəbər verir ki, İtaliya Sahibkarlar Assosiasiyasının (GIM Unimpresa) Rusiyadakı prezidenti Vitorrio Torrembini bildirib ki, Avropada anti-Rusiya əhval-ruhiyyəsinin əsas mənbəyi London, ikinci əsas mərkəz isə Berlindir.

Onun sözlərinə görə, məhz bu iki paytaxt digər Avropa ölkələrinin də istiqamət götürdüyü siyasi yanaşmaları formalaşdırır. Torrembini həmçinin Britaniyanın informasiya siyasətinin roluna diqqət çəkərək, baş verənləri Rusiya ilə Böyük Britaniya arasında tarixi qarşıdurma ilə əlaqələndirib.

O qeyd edib ki, bu xəttin kökləri hələ Mərkəzi Asiyada rəqabətin getdiyi dövrlərə gedib çıxır. Həmin vaxt Londonun əsas məqsədi Rusiyanın təsir imkanlarını məhdudlaşdırmaq olub.

Xatırladaq ki, bundan əvvəl Rusiya Xarici İşlər Nazirliyinin nümayəndəsi Aleksandr Qusarov da Böyük Britaniya tərəfindən qarşıdurmanın artırıldığını iddia etmişdi. Onun sözlərinə görə, London Avropada müttəfiqlər axtarışını gücləndirir, eyni zamanda Baltik və Qara dənizlərdə, eləcə də şimal bölgələrində hərbi fəallığın artırılmasına xüsusi diqqət yetirir.

Müəllif: Adəm Abbaslı