Avropa

Brüsseldən Moskvaya ağır zərbə: Rusiyanın milyardlıq şəbəkəsi çökür

13 May 2026 17:14

Avropa İttifaqı (Aİ) Rusiyaya qarşı növbəti məhdudiyyətlər üzərində işləyir və bu dəfə hədəfdə rusiyalı diplomatlardır.

Publika.az xəbər verir ki, TASS bu barədə diplomatik mənbəyə istinadən məlumat yayıb.

Bildirilir ki, Brüsseldə rusiyalı diplomatların Aİ ərazisində qalma müddətinin maksimum 5 illə məhdudlaşdırılması ideyası müzakirə olunur. Bu qərarın reallaşacağı təqdirdə Rusiyanın Avropadakı diplomatik fəaliyyətinə ciddi zərbə dəyəcəyi gözlənilir.

Hazırlanma mərhələsində olan 21-ci sanksiyalar paketinə diplomatlarla bağlı məhdudiyyətlərdən əlavə, Rusiyanın "kölgə donanması", bank sektoru, hərbi-sənaye kompleksi müəssisələri və Ukrayna taxılının qanunsuz satışı ilə məşğul olmaqda şübhəli bilinən şirkətlərə qarşı yeni qadağalar daxil edilə bilər. Sanksiyalar paketinin rəsmən iyunun sonu və ya iyulun əvvəlində təqdim olunacağı planlaşdırılır.

Xatırladaq ki, Aİ bundan əvvəlki 20-ci sanksiyalar paketini aprelin 23-də qəbul etmişdi.

Müəllif: Adəm