Rusiya sərhədi yaxınlığında böyük qızıl yataqları tapıldı

Finlandiya ərazisində, Rusiya ilə sərhəddən 10 kilometr məsafədə aşkar edilmiş qızıl yataqlarının ilkin təxminlərdən daha böyük olduğu məlum olub.

Publika.az xəbər verir ki, bu barədə Finlandiyanın "Yle" teleradio şirkəti məlumat yayıb.

Bildirilib ki, "Endomines" mədən şirkəti qış qazma işləri zamanı Şimali Kareliya bölgəsindəki Ukkolanvaara qayalıq massivində dörd yeni qızıl tərkibli sahə müəyyən edib. "Endomines" şirkətinin baş direktoru Kari Vıhtinen bildirib ki, perspektivli zonalar artıq məlum olan yataqlardan təxminən 5,8 kilometr cənubda yerləşir. Onun sözlərinə görə, bu tapıntılar rayonda iri bir qızıl filizi sisteminin mövcudluğundan xəbər verir.

Vıhtinen qeyd edib ki, əldə olunan nəticə Ukkolanvaara ərazisindəki Ukko yatağının böyük qızıl potensialını təsdiqləyir. O, bir quyuda bu cür üç yüksək keyfiyyətli qızıl zonasının aşkarlanmasını əvvəllər heç vaxt rastlaşmadıqları bir hadisə kimi qiymətləndirib. Şirkət yatağın potensial qiymətləndirilməsini əhəmiyyətli dərəcədə artırıb və indi Ukkolanvaaranı gələcək geoloji kəşfiyyat üçün əsas istiqamət kimi nəzərdən keçirir.

2026-cı ilin yanvarından etibarən Endomines mütəxəssisləri ümumi uzunluğu təxminən 11 kilometr olan 52 quyu qazıblar. Onların 34-də gözlə görünən qızıl zərrəcikləri aşkar edilib.

Hüseyn İbadlı