Bu Avropa ölkəsi Rusiyanı pivə ilə doldurdu

2026-cı ilin mart ayının sonuna qədər Çexiya pivəsinin Rusiyaya ümumi ixracı aylıq müqayisədə altı dəfə artıb.

Publika.az xəbər verir ki, bu barədə “RİA Novosti” Avropa Statistika İdarəsinin (Eurostat) məlumatlarına istinadən bildirib.

Yazın ilk ayında Rusiya idxalçıları Çexiya pivəsinə ümumilikdə 796.000 avro xərcləyiblər. Bu artım Çexiyanın Rusiyaya köpüklü spirtli içkilərin ən böyük tədarükçüsü olmasına imkan verib. Bir ay əvvəl ölkə üçüncü yeri tutmuşdu.

Polşa Rusiyaya ən çox pivə ixrac edən ikinci ölkə olub - 385.200 avro (üçdə birdən çox artım). İlk üçlüyü Belçika tamamlayıb (2 faiz artaraq 252.300 avroya çatıb). Litva dördüncü (üçqat artımla 218.300 avroya çatıb) və Almaniya beşinci yeri tutub (15 faiz artaraq 163.000 avroya çatıb).

Mart ayında Qazaxıstan da Rusiya bazarına pivə ixracını əhəmiyyətli dərəcədə artırıb. Yazın ilk ayında postsovet ölkəsindən Rusiyaya spirtli içki ixracı fevral ayı ilə müqayisədə üç dəfədən çox artaraq 1,4 milyon dollara çatıb. Xaricdən pivə alışının artması Rusiyada istehsalın azalması fonunda baş verib. Bu ilin ilk dörd ayında bir neçə bölgədə daha sərt sənaye qaydaları və spirtli içki satışına qoyulan məhdudiyyətlər səbəbindən istehsal 2,2 faiz azalıb.

Müəllif: Tural