NATO bazasını güdən azərbaycanlıya bu cəza verildi

Yunanıstan casusluq ittihamı ilə bir Azərbaycan vətəndaşına həbs cəzası verib.

Publika.az xəbər verir ki, bu barədə “Reuters” məlumat yayıb.

Mənbələrə görə, mayın 19-da Yunanıstan məhkəməsi 27 yaşlı Azərbaycan vətəndaşını Kritdəki hərbi bazanın izlənməsi ilə bağlı casusluq ittihamı ilə həbs cəzasına məhkum edib.

O, günahını rədd edir və hökmdən apelyasiya şikayəti verib.

7,1 il həbs cəzasına məhkum edilən şəxs ötən ilin iyun ayında Yunanıstan, ABŞ və NATO üçün strateji obyekt olan Souda dəniz bazasında casusluq etmək şübhəsi ilə həbs olunmuşdu.

İstintaqa görə, Polşada müvəqqəti yaşayış icazəsi olan şəxs ilk dəfə Yunanıstana 2025-ci ilin yanvar ayında gəlib və iyunun ortalarından dəniz və hava qüvvələri bazasına baxan otel otağında yaşayıb.

O, dövlət sirlərini və mühüm hərbi məlumatları, xüsusən də hərbi obyektlərin fotoşəkillərini və video yazılarını toplamaqda və xarici ölkələrə ötürməkdə ittiham olunurdu.

Dəlillərə Sudaya yanacaq doldurmaq üçün gələn Yunanıstan Hərbi Dəniz Qüvvələrinin freqatının 23 videosu və doqquz fotoşəkili daxildir.

Onun otağından müsadirə edilən əşyalar arasında yüksək dəqiqlikli kamera, telefoto linza və ştativ, USB oxuyucuları və yaddaş kartları olub.

Mənbələrə görə, polis onun noutbukunda şifrələmə proqramının quraşdırıldığını da aşkar edib.

Müəllif: Tural