Üç övladını girov götürən şəxs təslim oldu
Bizi izləyin

Avropa

Üç övladını girov götürən şəxs təslim oldu

Üç övladını girov götürən şəxs təslim oldu

Almaniyanın Dortmund şəhərində uşaqlarını girov saxlayan 51 yaşlı Serbiya vətəndaşı onları azad edib. Uşaqlardan heç biri xəsarət almayıb.

Publika.az xəbər verir ki, bu barədə "Bild" qəzeti məlumat yayıb. Hadisə iyunun 2-də restoranda baş verən insidentlə başlayıb: bir kişi yoldan keçənləri hədələyərək onlara bibər qazı püskürdüb. Daha sonra o, maşınla hadisə yerindən qaçaraq evində gizlənib. Evə gələn polis məmuruna atəş açaraq onun güllə keçirməyən jiletini vurub.

Hücumçu daha sonra yeddi, on və on iki yaşlarında üç uşağını girov götürüb. Hadisə yerinə xüsusi təyinatlılar cəlb edilib və onunla danışıqlar başlayıb.

Yerli vaxtla təxminən saat 3:30-da kişi təslim olub.

Uşaqlar zərər görməyib və hüquq-mühafizə orqanlarının himayəsindədirlər. Şübhəli polis məmuruna hücum və girov götürmə maddələri ilə cinayət məsuliyyətinə cəlb olunub.

Müəllif: Tural

Oxumağa davam et
Reklam
Reklam

Gündəm

Zəfaran Hospital
Səba