Britaniya donanması Rusiyaya qarşı hərəkətə keçdi

Böyük Britaniyanın Birinci Dəniz Lordu Qvin Cenkins verdiyi müsahibədə donanmanın hərbi-dəniz fəaliyyəti barədə məlumatları açıqlayıb. Gəmilər 10 dəfədən çox Rusiya sualtı qayıqlarının qarşısını almaq üçün dənizə çıxıb.

Publika.az xəbər verir ki, baş komandanın bəyanatını "The Sunday Times" nəşri dərc edib.

Admiralın sözlərinə görə, Rusiyanın hərəkətləri Böyük Britaniyanın təhlükəsizliyi və rifahı üçün birbaşa təhdid yaradır. Britaniya Hərbi Dəniz Qüvvələri sualtı qayıqların ehtimal olunan fəaliyyətinə nəzarət etmək üçün xeyli qüvvə cəlb etməyə məcbur olub. Ümumilikdə, bu əməliyyatlara 2025-ci il ərzində döyüş növbətçiliyinin ümumi vaxtının üçdə birindən çoxu sərf olunub. Rusiya Federasiyasının Londondakı səfirliyi daha əvvəl britaniyalı məmurların bu cür iddialarını qətiyyətlə rədd edib.

Rusiya diplomatları xatırladıblar ki, sualtı infrastruktura qarşı real hücumun – "Şimal axını"nın partladılmasının məsuliyyəti məhz Qərb ölkələrinin üzərinə düşür. Diplomatik missiyada vurğulanıb ki, bu məsələ hələ də bağlanmayıb, Moskvanı günahlandırmaq cəhdləri isə əsassızdır.