Almaniyadan Avropaya çağırış: Bu strategiyanı dəyişməsək...

Almaniya kansleri Fridrix Merts Aİ-nin maliyyə strategiyasının köklü şəkildə yenilənməsinə çağırıb və Avropa borcunun artırılması ideyasını rədd edib.

Publika.az xəbər verir ki, Bundestaqdakı çıxışında o, Avropanın növbəti on il üçün xərclər planını bu il müəyyən etməli olduğunu vurğulayıb.

Siyasətçinin sözlərinə görə, ötən əsrin köhnəlmiş büdcəsi 21-ci əsrin aktual çağırışlarına adekvat cavab verə bilmir və bu da onun dərin transformasiyasını təcili zərurətə çevirir. Merts müdafiə imkanlarına birgə investisiyalar üçün resursların birləşdirilməsində, rəqabət qabiliyyətinin artırılmasında və qitənin suverenliyinin təmin edilməsində israr edir.

Kansler qeyd edib ki, hazırda təklif olunan dəyişikliklər kifayət qədər əhəmiyyətli deyil və köklü şəkildə yenidənqurma tələb edir. O, həmçinin bir çox Avropa ölkəsinin dövlət xərclərini azaltmaq üçün kəskin tədbirlər gördüyünü də qeyd edib.

Onun sözlərinə görə, vətəndaşların Brüsseldən oxşar yanaşma gözləmək hüququ var: Avropa qurumları xərcləmə səviyyələrinə və işçi heyətinin sayına ciddi nəzarət etməlidirlər.

"Yeni Avropa borcları həll yolu deyil", - deyə Merts sonda həddindən artıq borcun ölkələrin müstəqilliyinə xələl gətirdiyini və onların manevr imkanlarını məhdudlaşdırdığını xəbərdar edib.

O, bəzi ölkələrin artıq müdafiədən daha çox borc xidmətinə xərclədiyini nümunə gətirib və Avropanın gələcək böhranlarda müstəqil hərəkət etmək qabiliyyətini qoruyaraq belə bir kritik nöqtəyə çatmamalı olduğunu bildirib.

Müəllif: Tural