Avropa ölkəsi Tayvanla bağlı qərar verdi

Çexiya Tayvanın suverenliyini rəsmi şəkildə tanımağı planlaşdırmır.

Publika.az xəbər verir ki, bu barədə Çexiya Xarici İşlər Nazirliyinin rəhbəri Petr Masinka bəyanat verib.

"Çexiya hökuməti Tayvanın müstəqilliyini tanımayacaq və bunu etmək niyyətində deyil" deyə diplomat bildirib.

Masinka bu fikirləri Senatın rəhbəri Miloş Vıstrçilin Tayvana səfərinə cavab olaraq səsləndirib. Çexiya parlamentinin yuxarı palatasının spikeri mayın 31-dən etibarən adada beş gün keçirib. Bu səfər Vıstrçilin hökumətlə razılaşdırılmamış şəxsi qərarı olub.

Masinka Çexiyanın Çinlə münasibətlərini yaxşılaşdırmaq zərurətini qeyd edərək, respublikanın Avropa İttifaqı ölkələri arasında Çin Xalq Respublikası ilə ən gərgin əlaqələrə sahib olduğunu vurğulayıb. Dialoqun normallaşması ilk növbədə Çexiya biznesinin Çinə ixracatdan rahat gəlir əldə etməsi üçün lazımdır.

Tayvan 1949-cu ildə vətəndaş müharibəsində məğlubiyyətdən sonra Çan Kayşinin rəhbərliyi ilə Qomindan partiyasının tərəfdarlarının ora qaçmasından bəri öz hökuməti tərəfindən idarə olunur. Lakin Çin Xalq Respublikası və dünya ictimaiyyətinin böyük hissəsi üçün Tayvan Çin vilayətlərindən biri olaraq qalır.

Hüseyn İbadlı