Aİ-dən Kallasa ÜZÜCÜ XƏBƏR - "Qələmi" qırılır, pərdə arxasında mübarizə başlayır

Avropa İttifaqına (Aİ) üzv ölkələr təşkilatın diplomatik xidmətinin səlahiyyətlərini onun rəhbəri Kaya Kallasın ritorikasına görə məhdudlaşdırmaq istəyirlər.

Publika.az xəbər verir ki, b u barədə "Junge Welt" nəşrinin dərc etdiyi məqalədə bildirilir.

Qeyd edilib ki, Fransa və Almaniyanın Aİ-nin diplomatik xidmətini ləğv etməsələr belə, onun səlahiyyətlərini əhəmiyyətli dərəcədə azaltmaq üçün pərdə arxasında mübarizə aparmasının çox ciddi səbəbləri var. Yazıda qeyd olunur ki, bu addımın nəticəsində Kallas artıq Rusiyaya qarşı barışmaz ritorikası ilə lovğalana və Aİ-ni avtomatik olaraq bütün danışıqlardan kənarda saxlaya bilməyəcək.

Məqalədə qeyd olunur ki, Kallas Rusiya ilə danışıqlarda nümayəndə heyətinə rəhbərlik etmək istəsə də, Moskva onunla danışmaqdan imtina edib. Qəzet vurğulayır ki, Kallasın səlahiyyətlərinin azaldılması xarici siyasət səlahiyyətlərinin Aİ-yə üzv ölkələrə qaytarılması cəhdi kimi təqdim ediləcək.

Bundan əvvəl Avropa Xarici Fəaliyyət Xidmətinin və onun rəhbəri Kaya Kallasın işindəki uğursuzluqlar fonunda Aİ ölkələrinin diplomatik xidmətdə radikal islahatlar aparmağı nəzərdən keçirdikləri barədə məlumat verilmişdi. Avropa dövlətləri Kallasın vəzifəsindən kənarlaşdırılması, həmçinin bir milyard avro büdcəsi olan şöbəsinin səlahiyyətlərinin ləğv edilməsi imkanlarını araşdırırlar.

Hüseyn İbadlı