Rusiya freqatı Britaniya gəmisinə xəbərdarlıq atəşi açdı

Rusiya Hərbi Dəniz Qüvvələrinə məxsus "Admiral Qriqoroviç" freqatı La-Manş boğazında Britaniya yaxtasının yaxınlığında xəbərdarlıq atəşi açıb.

Publika.az xəbər verir ki, bu barədə "The Telegraph" qəzeti məlumat yayıb.

"Bazar ertəsi günortadan sonra sahil mühafizəsi Rusiya freqatı "Admiral Qriqoroviç"in yaxınlığında hərəkət edən Britaniya bayrağı altında üzən mülki gəmidən xəbərdarlıq atəşi ilə bağlı məlumat alıb. Britaniya gəmisi hər iki gəmi La-Manş boğazında bir-birinə çox yaxın məsafədən keçdikdən sonra freqatın xəbərdarlıq atəşi açdığını bildirib", - deyə məlumatda qeyd olunur.

Böyük Britaniya Müdafiə Nazirliyinin nümayəndəsi "BBC"yə açıqlamasında qurumun La-Manşdakı xəbərdarlıq atəşi ilə bağlı xəbərləri araşdırdığını bildirib. İddialara görə, hadisə nəticəsində xəsarət alan olmayıb və yaxtaya da heç bir ziyan dəyməyib.

İyunun 14-də Böyük Britaniya silahlı qüvvələri La-Manş boğazından keçməyə cəhd edən Rusiya "kölgə donanması"na aid "Smyrtos" tankerini ələ keçirib. Bu əməliyyatda Böyük Britaniyanın Kral Dəniz Piyadaları və Milli Cinayətkarlıqla Mübarizə Agentliyinin hüquq-mühafizə orqanlarının əməkdaşları iştirak ediblər.

Hüseyn İbadlı