Avropada SANKSİYA DALĞASI - Bu dəfə İsveçrə Rusiyanı “VURDU”

İsveçrə hakimiyyəti Rusiyaya qarşı tətbiq edilən sanksiyalar siyahısını genişləndirərək 16 fiziki şəxsi və yeddi təşkilatı bu siyahıya əlavə edib.

Publika.az xəbər verir ki, bu barədə "RIA Novosti" məlumat yayıb.

İsveçrənin İqtisadiyyat, Təhsil və Tədqiqatlar üzrə Federal Nazirliyinin iyunun 15-də sanksiyalar haqqında qərara dəyişikliklər etdiyi qeyd olunur. Sanksiya siyahısına Sevastopol və Rusiyanın yeni regionlarının gənclər işləri üzrə departamentlərinin rəhbərləri, pedaqoqlar və uşaq təşkilatlarının rəhbərləri daxil edilib.

İyunun 16-da Kanada Rusiya Federasiyasına qarşı 7 fiziki və 34 hüquqi şəxsi sanksiya siyahısına əlavə edib. Elə həmin gün Böyük Britaniya da Rusiyaya qarşı sanksiya siyahısını 43 bənd artırıb. İyunun 15-də Avropa İttifaqı 80-dən çox fiziki şəxs və təşkilatı "qara siyahı"ya salaraq Rusiyaya qarşı əlavə məhdudiyyətlər tətbiq edib. Yenilənmiş siyahıda Rusiyanın dost ölkələrindən olan təşkilat və şəxslər, həmçinin bir sıra jurnalistlər və o cümlədən RT ilə əməkdaşlıq edən bloqerlər yer alıb.

Hüseyn İbadlı