Avropa

İki qatar toqquşdu: 89 nəfər yaralandı, ölən var - Yeniləndi

20 İyun 2026 08:10

Bedford yaxınlığında iki sərnişin qatarının toqquşması nəticəsində 1 nəfər ölüb, 89 nəfər yaralanıb.

Publika.az xəbər verir ki, bu barədə Şərqi İngiltərə Təcili Yardım Xidmətindən bildirilib.

Məlumata görə, yaralılardan 11 nəfərin həyatı üçün təhlükə var, daha 22 nəfərin isə xəsarəti ciddidir. 56 sərnişinə yüngül xəsarət diaqnozu qoyulub, bir nəfər hadisə yerində dünyasını dəyişib.

Ölən şəxsin qatar maşinisti olduğu bildirilir. Ölü sayının arta biləcəyi istisna edilmir.

***

İngiltərənin mərkəzində yerləşən Bedford şəhəri yaxınlığında iki qatar toqquşub. Qəza Bedford stansiyasından təxminən 4 km cənubda baş verib.

Publika.az xəbər verir ki, bu barədə "The Daily Telegraph" qəzeti məlumat yayıb.

İlkin məlumata görə, London istiqamətində hərəkət edən qatarlardan biri Nottingemdən, digəri isə Korbidən yola düşüb. İkinci qatar arxadan birinci qatarla toqquşub.