Zelenski polşalılara qarşı mənfi münasibət bəsləyir? - Sorğu

Polşalıların yarıdan çoxu Ukrayna Prezidenti Volodimir Zelenskinin Polşaya qarşı mənfi münasibət bəslədiyinə inanır.

Publika.az xəbər verir ki, bu barədə "Wirtualna Polska" tərəfindən sifariş edilən və "United Surveys"in keçirdiyi sorğuda məlumat verilib.

Araşdırmaya görə, respondentlərin 58,3%-i Zelenskinin polşalılara qarşı mənfi münasibət bəslədiyinə inanır. Vətəndaşların 30,1%-i isə əks fikirdədir. Digər 11,6 faiz suala cavabda qərarsız qalıb.

Zelenskinin Polşa ölkəsinə münasibəti ilə bağlı suala gəldikdə isə, respondentlərin 33,7%-i onun mənfi münasibət bəslədiyini bildirib. 24,6%-i siyasətçinin kəskin neqativ münasibət bəslədiyini bildirib.

Vətəndaşların yalnız 30,1%-i Zelenskinin Polşaya qarşı müsbət münasibət bəslədiyinə inanır.

Xatırladaq ki, bir neçə gün öncə Polşa prezidenti Karol Navrotski Volodimir Zelenskini respublikanın ən yüksək mükafatı olan "Ağ Qartal" ordenindən məhrum etmişdi. O, bu addımı Ukrayna Silahlı Qüvvələrinin briqadasına Volın qırğınını həyata keçirənlərin adının verilməsi səbəbindən atıb. Bundan sonra hər iki ölkə arasında diplomatik və siyasi gərginlik başlayıb.

Müəllif: Tural