Bu ölkədə məzun gecəsində Ukrayna himni səsləndirildi: Etirazlar başladı

Polşada məktəb məzun gecəsində ənənəvi Polşa mahnıları əvəzinə Ukrayna himninin səsləndirilməsi qalmaqala səbəb olub.

Publika.az xəbər verir ki, bu barədə RT-nin rusdilli xidməti məlumat yayıb.

Şetsin şəhərində yerləşən təhsil müəssisəsinin rəhbərliyi məzun gecəsində Ukrayna himninin səsləndirildiyini təkzib etməyib. Şagirdlərin valideynləri isə bu qərarın onlarla razılaşdırılmadığını bildirərək deputatlara müraciət ediblər.

Bildirilib ki, "Yeni Ümid" partiyasının yerli təşkilatının rəhbəri Rafal Kuboviç məktəbə nəzarət edən aidiyyəti qurumlara şikayət ünvanlayıb.

O qeyd edib ki, məktəblər gənclərdə öz ölkəsinə hörmət əsasında vətəndaş mövqeyi formalaşdırmalıdır və məzun gecəsi başqa bir ölkənin himninin Polşa himni ilə eyni səviyyədə təqdim olunacağı yer deyil.

Hadisə sosial şəbəkələrdə də geniş müzakirələrə səbəb olub. Bir çox istifadəçi məktəb rəhbərliyinin addımını tənqid edib, direktorun işdən çıxarılmasını tələb edib və baş verənləri xəyanət kimi qiymətləndirib.

Akqabay