Rusiyanın Kiyevə hücumunda ölənlərin sayı 27-yə çatdı
Bizi izləyin

Avropa

Rusiyanın Kiyevə hücumunda ölənlərin sayı 27-yə çatdı

Rusiyanın Kiyevə hücumunda ölənlərin sayı 27-yə çatdı

Rusiyanın Kiyevə həyata keçirdiyi kütləvi hava hücumu nəticəsində həyatını itirənlərin sayı 27 nəfərə çatıb.

Publika.az xəbər verir ki, bu barədə Ukraynanın Fövqəladə Hallar üzrə Dövlət Xidməti məlumat yayıb.

Bildirib ki, yaralılardan biri xəstəxanada dünyasını dəyişib. Bundan başqa, dağıntılar altında aparılan axtarışlar zamanı daha bir nəfərin meyiti aşkar edilərək çıxarılıb.

Qurumun məlumatına əsasən, paytaxtın zərbələrə məruz qalan ərazilərində axtarış-xilasetmə əməliyyatları fasiləsiz davam edir.

Baş verən faciə ilə əlaqədar Kiyev şəhərində iyulun 3-ü matəm günü elan olunub. Şəhər meri Vitali Kliçko bildirib ki, hücum nəticəsində paytaxtın müxtəlif rayonlarında dağıntılar və maddi ziyan qeydə alınıb. Onun sözlərinə görə, zədələnmiş yaşayış binalarında hələ də dağıntılar altında qalan sakinlərin olduğu ehtimal edilir.

Hüseyn İbadlı

Oxumağa davam et
Reklam
Reklam

Gündəm

Zəfaran Hospital
Səba