NATO-nun kəşfiyyat təyyarəsi Ukrayna sərhədi yaxınlığında dövrə vurur

NATO-ya məxsus “Boeing E-3A Sentry” erkən xəbərdarlıq təyyarəsi Rumıniya səmasında Qara dəniz və Ukrayna sərhədi yaxınlığında dövrə vurur.

Publika.az xəbər verir ki, bu barədə "Flightradar24" xidməti məlumat yayıb.

Xidmətin məlumatına görə, saat 01:27-də təyyarə Rumıniyanın hava məkanında, təxminən 9,4 km hündürlükdə hərəkət edirdi. Bu zaman o, səmada demək olar ki, ideal bir "səkkiz rəqəmi" cızırdı.

Qeyd edilib ki, təyyarə Litvanın Şaulyay şəhərindəki aeroportdan havaya qalxıb. O, Rumıniya istiqamətinə yönələrək, yolu üzərində Ukraynanın ətrafından dolanıb və Polşa, Slovakiya, həmçinin Macarıstanın hava məkanını keçib.

Bir gün əvvəl NATO-ya məxsus "Bombardier Challenger 650 Artemis II" kəşfiyyat və hədəf göstərmə təyyarəsi yenidən Qara dəniz üzərində uçuş həyata keçirib. Hava gəmisi Rumıniyanın Konstansa şəhərindəki baza aerodromundan havaya qalxıb və akvatoriyanın neytral suları üzərində dövr edib. Bu zaman təyyarə hər hansı bir dövlətin hava məkanına daxil olmadan dənizin qərbindən şərqinə və geriyə doğru uçuşlar həyata keçirib.

Hüseyn İbadlı