Le Pen prezident seçkiləri ilə bağlı qərar verdi

Fransada prezidentliyə üç dəfə namizəd olmuş Marin Le Pen 2027-ci il prezident seçkilərində iştirak edəcəyini açıqlayıb.

Publika.az xəbər verir ki, bu barədə o, TF1 televiziya kanalının "Saat 20:00" xəbər proqramına açıqlamasında bildirib.

Fransada prezidentliyə üç dəfə namizəd olmuş Marin Le Pen namizədliyini irəli sürmək üçün iki şərt müəyyən etmişdi: birincisi, 18 aprel 2027-ci ildə seçkilərin birinci turuna qədər namizəd olmaq hüququnu saxlamalıdır, ikincisi isə elektron qolbaq taxmamalıdır.

Marin Le Pen 7 iyul 2026-cı il tarixində "Milli Cəbhə" partiyasının Avropa Parlamentindəki deputat köməkçilərinin saxta işə götürülməsi ilə bağlı iş üzrə apellyasiya instansiyasında təqsirli bilinməsindən cəmi bir neçə saat sonra 2027-ci il prezident seçkilərində namizəd olacağını elan edib.

Onun seçkilərdə iştirak hüququndan məhrumetmə müddəti 15 aya endirilib və Paris Apellyasiya Məhkəməsi tərəfindən artıq tamamlanmış hesab edilib. Buna səbəb 31 mart 2025-ci ildə birinci instansiya məhkəməsinin çıxardığı hökmün dərhal qüvvəyə minməsi olub. Bununla belə, Le Pen elektron qolbaq taxmaqla bir il müddətinə azadlıqdan məhrumetmə cəzasına məhkum edilib.

İfrat sağçı partiyadan olan namizəd daha əvvəl dəfələrlə belə şərtlər altında seçki kampaniyası aparmayacağını bəyan etmişdi.

"Lakin kassasiya şikayəti vermək imkanım var. Kassasiya şikayəti apellyasiya məhkəməsinin qərarının icrasını dayandırdığı üçün seçki kampaniyasını elektron qolbaq olmadan aparacağam", – deyə o, bildirib.