Avropa

Rusiya ilə qonşu ölkədə kilsə və saunası olan yeraltı şəhər salındı - Nəyə hazırlaşırlar?

13 İyul 2026 09:06

Rusiya ilə qonşu olan NATO üzvü Finlandiyada sauna və kilsələrin yerləşdiyi yeraltı bomba sığınacağı şəhəri yaradılıb.

Publika.az xəbər verir ki, Britaniyanın "The Times" qəzetinin yazdığına görə, Rusiya ilə nüvə müharibəsi ehtimalına qarşı Finlandiyanın paytaxtı Helsinkidə belə sığınacaqlar tikilir.

“Helsinki tipik Skandinaviya paytaxtı kimi görünə bilər, amma küçələrinin altında 5500 sığınacaqdan ibarət yeraltı şəhər yerləşir ki, bu da nüvə zərbəsi və ya hücumu halında təxminən bir milyon insanı yerləşdirmək üçün kifayətdir”, - məqalədə deyilir.

Təhlükəsizlik Departamentinin əməkdaşı Yukk-Pekki Şroderus məlumat paylaşıb ki, yeraltı sahə sülh dövründə boş qalmaması üçün icarəyə verilir. Bu, sığınacaqların düzgün işləməsini və fövqəladə hallara hazır olmasını təmin edir.

Yeraltı şəhərə su sürüşmələri olan Olimpiya ölçülü üzgüçülük hovuzları, saunalar, kartinq yolları, skeyt parkları, kilsələr və ox atma mərkəzləri daxildir.

Müəllif: Tural