Avropa

Ukrayna müharibəsində dönüş nöqtəsi belə başlayacaq: İngiltərədən Fransa xəbərdarlığı

3 Avqust 2026 09:30

Böyük Britaniyanın Moskvadakı keçmiş səfiri Yan Praud özünün "YouTube" kanalında Ukraynadakı münaqişədə dönüş nöqtəsinin nədən başlayacağı və bunun nə vaxt baş verəcəyi barədə fərziyyələrini bildirib.

Publika.az xəbər verir ki, Prauda görə, dönüş nöqtəsi ayrı-ayrı ölkələrdə keçiriləcək prezident seçkiləri ilə gələcək və bu, güc balansını əhəmiyyətli dərəcədə dəyişdirəcək.

"Hər şey gələn il Fransada keçiriləcək prezident seçkiləri ilə başlayır. Le Penin qalib gəlmək üçün çox, çox yaxşı şansı var. Və bu, təkcə Fransanın daxili siyasəti və Aİ ilə münasibətləri üçün deyil, həm də Avropanın Ukraynadakı münaqişəyə münasibəti üçün seysmik nəticələrə səbəb ola bilər", - deyə Praud vurğulayıb.

Bundan əlavə, keçmiş səfir əmindir ki, Avropa ölkələri Kiyevi uzun müddət dəstəkləyə bilməyəcəklər. Lakin Rusiyanın Ukrayna müharibənin davam etməsini istədiyi müddətcə bütün lazımi resursları var.

Müəllif: Tural