ABŞ bunu etsə, qışdan sağ çıxacağıq - Zelenski
Bizi izləyin

Avropa

ABŞ bunu etsə, qışdan sağ çıxacağıq - Zelenski

ABŞ bunu etsə, qışdan sağ çıxacağıq - Zelenski

Ukrayna prezidenti Vladimir Zelenski ABŞ-ın Patriot sistemləri üçün raket ehtiyatının ən azı 5 faizinin Kiyevə verilməsinin qarşıdakı qışı keçməyə imkan yaradacağını bildirib.

Publika.az xəbər verir ki, Zelenski bu barədə CNN-ə müsahibəsində danışıb.

Onun sözlərinə görə, ABŞ ehtiyatlarının 10 faizi Ukraynaya verilsə, ölkə Rusiyanın bütün ballistik raketlərini zərərsizləşdirə bilər.

Zelenski bildirib ki, Ukraynanın Patriot raketlərinin ehtiyatı demək olar ki, tükənib və bu il ölkənin əlində ötən illə müqayisədə 2,5 dəfə az raket var.

O qeyd edib ki, Rusiya isə hər ay əvvəlkindən iki dəfə çox ballistik raket buraxır.

Prezident əlavə edib ki, Kiyev ABŞ və digər müttəfiqlərlə əlavə raketlərin alınması üçün danışıqları davam etdirir.

Zelenski hazırda Ukraynanın ABŞ ehtiyatlarının hətta 5 faizini belə əldə edə bilmədiyini və bunun müharibənin əvvəlindən üzləşdiyi ən böyük problemlərdən biri olduğunu vurğulayıb.

Oxumağa davam et
Reklam
Reklam

Gündəm

Zəfaran Hospital
Səba