Varşavada Polşa tarixinin ən böyük hərbi paradı keçirilir

Bu gün Polşa hakimiyyəti ölkə tarixində ən böyük hərbi paradı keçirir və Ordu Gününü qeyd edir.

Publika.az xəbər verir ki, bu barədə "RİA Novosti" məlumat yayıb.

Qeyd edilib ki, bu mühüm hərbi tədbirdə təxminən 1800 hərbçi, 300-dən çox quru nəqliyyat vasitəsi və təxminən 60 təyyarə iştirak edir.

Paradun əsas hissəsi Visla çayı boyunca yerləşən Vislostrada yolunda baş tutacaq. Burada piyada kolonları və zirehli texnikalar nümayiş olunur, hərbi təyyarələr isə Varşava üzərində öz imkanlarını nümayiş etdirəcəklər.

Parada Polşanın ən yeni texnikalarının - bu yaxınlarda ABŞ-dan alınan beşinci nəsil F-35A "Husarz" qırıcı təyyarələrinin ilk nümayişi olacaq. İlk təyyarələr 2026-cı ildə təhvil verilib və Polşa ABŞ-dan cəmi 32 F-35A alıb.

Bundan başqa, parada gələnlər Amerikanın məşhur "Abrams" tanklarını, Almaniyanın "Leopard" tanklarını və Cənubi Koreyanın "K2" texnikalarını, eləcə də HIMARS raket sistemlərini və "Patriot" zenit sistemlərini görə bilərlər.

Paradda müttəfiq ölkələrin hərbçiləri iştirak edir. Bunlar ABŞ, Fransa, Kanada, Litva, Estoniya, İsveç, Rumıniya və Avstraliyadır.

Müəllif: Tural