1667-ci ilə aid kilsə külə çevrildi
Bizi izləyin

Avropa

1667-ci ilə aid kilsə külə çevrildi

1667-ci ilə aid kilsə külə çevrildi

Polşanın ən qədim dini abidələrindən biri yanıb.

Publika.az xəbər verir ki, bu barədə ölkənin Yanğından Mühafizə İdarəsi açıqlama yayıb. Qeyd edilib ki, Podkarpatski voyevodalığının Sanok şəhərində yerləşən və Polşanın ən qədim kilsələrindən biri olan muzey tipli dini obyektdə yanğın baş verib.

"Açıq havada qurulmuş muzeyin ərazisində baş verən güclü yanğın 1667-ci ilin tikilisi olan tarixi dini abidə də daxil olmaqla, üç binanı əhatə edib",- məlumatda qeyd edilib.

Qeyd edək ki, söhbət taxta materiallardan tikilmiş Müqəddəs Nikolay Kilsəsindən gedir. Qurumun məlumatına görə, hadisə yerinə təcili yardım xidmətləri cəlb edilib və alovun daha geniş əraziyə yayılmasının qarşısı alınıb. Yanğınsöndürənlərin səylərinə baxmayaraq, kilsə tamamilə yanıb. Daha iki binaya ziyan dəyib. Bəyanatda xəsarət alanların olmadığı vurğulanıb.

Müəllif: Tural

Photo
Oxumağa davam et
Reklam
Reklam

Gündəm

Zəfaran Hospital
Səba