ABŞ kəşfiyyatından Kiyevə ŞOK XƏBƏRDARLIQ - 48 saat ərzində nə baş verə bilər?

ABŞ kəşfiyyatı Kiyevə və Kiyev vilayətinə kütləvi zərbələrin endirilməsi ehtimalının yüksək olduğu barədə xəbərdarlıq edib.

Publika.az xəbər veirr ki, bu barədə Ukrayna KİV-ləri məlumat yayıb.

Qeyd olunub ki, müvafiq xəbərdarlıq yaxın 48 saat üçün qüvvədədir.

Avqustun 16-na keçən gecə Rusiya Silahlı Qüvvələri Kiyevdə yerləşən “Fire Point” və “Ukr Defence” hərbi müəssisələrini, həmçinin Kremençuq neft emalı zavodunu və Krivoy Roqdakı metallurgiya kombinatının sexlərini vurub. “Fire Point” “Flaminqo” qanadlı raketləri üçün komplektləşdirici hissələr, döyüş hissələri və bərk yanacaqlı sürətləndiricilər, “Ukr Defence” isə zərbə PUA-ları, “Xruşş” qırıcı-tutucu dronları və “Xarpiya” zenit dronları üçün komponentlər istehsal edir.

Ukrayna hərbçiləri yenidən heç bir ballistik və hipersəs raketini vura bilməyiblər. Bu fonda Ukrayna Prezidenti Volodimir Zelenski müttəfiqləri “Rusiyanı dayandırmağa” və Ukrayna Silahlı Qüvvələrinə “Patriot” HHM sistemləri üçün raketlər verməyə çağırıb.

Hüseyn İbadlı