Avropa

Avropanı qorxuya salan iki dron – Rusiya Almaniyanı fırıldaqçılıqda ittiham etdi

2 Sentyabr 2026 09:13

Almaniya Rusiyanı günahlandırmaq üçün dron hekayəsini uydurub.

Publika.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova “RİA Novosti”yə verdiyi müsahibədə bildirib.

"Dronla bağlı uydurulan bütün hekayə dəyərsizdir: heç bir fakt, heç bir dəstəkləyici material, heç bir şey yoxdur", - Zaxarova deyib.

Onun sözlərinə görə, bu hadisə Bonndakı Rusiya Baş Konsulluğunun bağlanması və Berlindəki “Rus evi”nin fəaliyyəti ilə bağlı müqavilənin ləğv edilməsi qərarına səbəb olub .

Avqustun 5-i gecəsi Leypsiq /Halle hava limanında iki naməlum obyekt – biri səmada, ikincisi isə yerdə aşkar edilib. Hadisə səbəbindən hava limanının fəaliyyəti məhdudlaşdırılıb.

Söhbət detonatorlu paketi olan drondan gedir. “Bloomberg” jurnalisti Maykl Nienaber daha sonra dron hadisəsinin Avropanın özünəinamına zərbə olduğunu bildirib. Berlindəki Rusiya səfirliyi hadisəni tələsik təşkil olunmuş təxribat adlandırıb.

Müəllif: Tural