Türkiyə Yunanıstana nota verdi: Buradayam, heç kim heç nə edə bilməz

Ankara Yunanıstan hakimiyyətinə üç təşəbbüsünə dair fikirlərini və etirazlarını bildirən nota göndərib və bildirilib ki, Egey dənizində status-kvonu dəyişdirən heç bir fəaliyyətə icazə verilməyəcək.

Publika.az “Milliyyet” nəşrinə istinadla xəbər verir ki, Yunanıstan 7 avqustda Turizm üçün Xüsusi Məkan Çərçivəsi, 19 avqustda Bərpa Olunan Enerji Mənbələri üçün Xüsusi Məkan Çərçivəsi və 28 avqustda Sənaye və Təchizat Zəncirləri üçün Xüsusi Məkan Çərçivəsi elan edib.

Afina Egey dənizində mübahisəli ərazilər, adacıqlar və qayalar ilə bağlı faktiki vəziyyət yaratmağa çalışır. Diplomatik mənbələrə görə, Türkiyə Yunanıstan hakimiyyətinə bu son təşəbbüslərə dair fikirlərini və etirazlarını bildirən nota göndərib və Egey dənizində status-kvonu dəyişdirən heç bir fəaliyyətə icazə verilməyəcəyini bildirib.

Notada bu təşəbbüslərin transsərhəd ətraf mühitə və digər təsirləri vurğulanaraq, ekoloji və sektoral planlaşdırma adı altında maksimalist iddiaların irəli sürülməsinin qəbuledilməz olduğu açıq şəkildə bildirilib. Ankara həmçinin Yunanıstana beynəlxalq hüququn qapalı və yarımqapalı dənizlərdə əməkdaşlığı təşviq etdiyini xatırladıb. Türkiyə bir daha NATO müttəfiqi Yunanıstana "Mən də Egey dənizindəyəm" mesajını çatdırıb. Notada qeyd olunub ki, beynəlxalq müqavilələrlə mülkiyyəti Yunanıstana verilməmiş Egey dənizindəki coğrafi formasiyalarda yaradılmağa cəhd edilə biləcək hər hansı de-fakto vəziyyət qəbul edilməyəcək.

Notada həmçinin Türkiyənin Egey dənizindəki dəniz sərhədlərinin yalnız ədalət əsasında və bütün müvafiq şərtlər nəzərə alınmaqla əldə edilən razılaşma ilə müəyyən edilə biləcəyi barədə müəyyən mövqeyi bir daha vurğulanıb. Beləliklə, Türkiyə bir daha bildirib ki, "heç kim Egey dənizində öz şıltaqlığına görə sərhədlər çəkə bilməz".

Müəllif: Tural