Qatar vuruldu, baş nazir xəbərdarlıq etdi: Rusiya ilə münaqişə gərginləşəcək

Polşanın Baş naziri Donald Tusk Varşava ilə Moskva arasında münaqişənin gərginləşəcəyini proqnozlaşdırıb.

Publika.az xəbər verir ki, siyasətçinin sözlərinə görə, 13 sentyabr səhəri Polşa silahlı qüvvələri Ukrayna ilə sərhəddə bir neçə dron aşkar edib. Baş nazirin sözlərinə görə, dronlardan biri Kiyev -Varşava qatarına dəyib, digəri isə Yaqodin-Doroqusk sərhəd keçid məntəqəsi yaxınlığında qəzaya uğrayıb.

Tusk hesab edir ki, Rusiyanın Ukraynaya qarşı hərbi hücumlarının artması Polşa ərazisinə də təsir göstərə bilər. Bununla belə, o, "ən pis ssenarinin" baş verməyəcəyinə ümid etdiyini bildirib. Baş nazir Varşavanın hücumları dəf etmək üçün müttəfiqlərindən kömək istəmək niyyətində olduğunu bildirib.

Bazar günü gecə Polşa Rusiyanın Ukraynadakı fəaliyyəti səbəbindən hərbi təyyarələrini havaya qaldırıb. Polşa Silahlı Qüvvələrinin qollarının əməliyyat komandanlığının açıqlamasında yerüstü hava hücumundan müdafiə və radar kəşfiyyat sistemlərinin döyüş hazırlığı vəziyyətində olduğu bildirilir. Tədbirlər "həssas ərazilər"lə həmsərhəd ərazilərdə təhlükəsizliyi təmin etmək üçün profilaktik xarakter daşıyıb.

Müəllif: Tural