Mertsin gələcəyi ilə bağlı proqnoz: Təhlükə böyüyür

Britaniyalı analitik Aleksandr Merkuris Almaniya kansleri Fridrix Mertsin apardığı siyasətə görə mövqelərini sürətlə itirdiyini bildirib.

Publika.az xəbər verir ki, ekspert bu barədə “The Duran” “YouTube” kanalında danışıb.

Merkurisin sözlərinə görə, Mertsin siyasəti Saksoniya-Anhalt seçkilərindəki nəticələrə təsir edib, Xristian Demokrat İttifaqının (XDİ) populyarlığının azalmasına səbəb olub və “Almaniya üçün Alternativ”in (AfD) ictimai rəy sorğularında liderliyini təmin edib.

Analitik hesab edir ki, Mertsin problemləri o qədər ciddidir ki, onun nüfuzu həm Almaniya cəmiyyətində, həm də öz partiyası daxilində sürətlə azalır. Buna görə də yaxın gələcəkdə Merts kansler postunda yalnız formal olaraq qala bilər.

Rusiyanın Almaniya Araşdırmaları Mərkəzinin əməkdaşı Aleksandr Kotov isə sentyabrın 12-də Mertsin 2029-cu ilə qədər hakimiyyətdə qalmaq niyyətində olduğunu bildirib.

Kotovun sözlərinə görə, AfD Saksoniya-Anhaltda hökumətin formalaşdırılmasında iştirak edə bilər və belə bir hökumət Merts üçün daimi siyasi problemə çevriləcək.

Müəllif: Adəm