Avropa

Baş nazirdən polyaklara ŞOK XƏBƏRDARLIQ - “Onları ən pis yuxularında belə heç kim görməyib”

15 Sentyabr 2026 23:12

Polşanın Baş naziri Donald Tusk ölkə sakinlərini yanacağın rekord qiymətləri barədə xəbərdar edib.

Publika.az xəbər verir ki, o, bu barədə Nazirlər Kabinetinin iclasının açılışı zamanı bildirib.

“Tezliklə rekord qiymətlərlə üzləşəcəyik. Elə qiymətlərlə ki, onları ən pis yuxularında belə heç kim görməyib”, - deyө Tusk söyləyib.

Onun sözlərinə görə, yaranmış vəziyyətə görə məsuliyyət neft şirkətləri üçün fövqəladə mənfəət vergisi haqqında qanun layihəsinə veto qoymuş respublika Prezidenti Karol Navrotskinin üzərinə düşür.

Baş nazir dövlət başçısının mövqeyini anlamadığını vurğulayıb və hökumətin həmin qanun layihəsini yenidən Seymin müzakirəsinə çıxaracağına söz verib.

Daha əvvəl məlumat verilib ki, Polşanın “Orlen” şirkəti Venesueladan neft üçün əvvəlcədən ödəniş qismində köçürdüyü 400 milyon dollarını itirib. Konsern hələ də tədarük olunmayan xammal üçün öncədən ödənişi Dubaydakı iki vasitəçiyə köçürüb.

Hüseyn İbadlı