Merts üçün həyəcan siqnalı: Almaniya kanslerinin siyasi gələcəyi sual altındadır

Almaniya kansleri Fridrix Mertsin siyasi gələcəyi ilə bağlı müzakirələr güclənib.

Publika.az xəbər verir ki, "Politico" Almaniyada siyasi böhranın mümkün inkişaf ssenarilərini açıqlayıb.

Nəşrin yazdığına görə, əsas ssenari Mertsin istefa vermək əvəzinə kansler postunu qorumaq üçün mübarizə aparmasıdır. Bu variantın ehtimalı 60 faiz qiymətləndirilib.

Merts Saksoniya-Anhalt seçkilərindən sonra ciddi təzyiqlə üzləşib. Burada AfD qalib gəlib, hakim XDİ və SDP isə aşağı nəticə göstərib. Buna baxmayaraq, XDİ-dən olan regional hökumət başçıları Mertsi dəstəkləyən bəyanat yayıblar. Bəyanatda isə kanslerin adı qeyd olunmayıb.

Bildirilib ki, digər ssenari Mertsin könüllü istefasıdır. Qarşıdakı əsas maneə isə XDİ-də onun yerinə keçə biləcək vahid namizədin olmamasıdır. Sentyabrın 20-də Meklenburq-Ön Pomeraniya və Berlində keçiriləcək seçkilər Merts üçün növbəti mühüm sınaq olacaq.

Bundestaqda Mertsə qarşı etimadsızlıq səsverməsi isə 20 faiz ehtimalla qiymətləndirilib. Ən az ehtimal olunan variant XDİ/XSS blokunun AfD ilə birlikdə yeni kansler seçməsidir. XDİ rəhbərliyi belə əməkdaşlığı qəbuledilməz hesab edir.

Mertsin reytinqi də kəskin aşağı düşüb. Avqustda keçirilən sorğuya əsasən, almanların 14 faizi onun kansler olaraq qalmasını dəstəkləyib, 78 faizi isə buna qarşı çıxıb.

Müəllif: Adəm