Mertsə istefa çağırışları rədd edildi: Alternativ görmürük

Almaniyanın hakim Xristian Demokrat İttifaqı (CDU) və Xristian Sosial İttifaqında (CSU) kansler Fridrix Mertsin istefası ilə bağlı kadr müzakirələrinin aparılması barədə iddialar rədd edilib.

Publika.az xəbər verir ki, CDU-nun Bundestaqdakı fraksiya sədrinin müavini Günter Krinqs bildirib ki, hazırkı vəziyyətdə hökumət başçısına alternativlərdən danışmaq məsuliyyətsizlik olardı.

“Kiminsə rəhbərliyi altında işlərin niyə daha yaxşı gedəcəyini izah edə biləcəyi halda alternativləri ciddi şəkildə müzakirə etmək olar. Hələlik mən bunu görmürəm”, - deyə Krinqs vurğulayıb.

Onun sözlərinə görə, yeni rəhbərliklə vəziyyətin daha yaxşı olacağına dair əsaslandırma olmadan Mertsin mümkün istefasını müzakirə etmək düzgün deyil.

Qeyd edək ki, CDU tarixində ilk dəfə regional parlamentə daxil ola bilməyib. Partiya Meklenburq-Ön Pomeraniya əyalətində keçirilən seçkidə cəmi 4,9 faiz səs toplayıb. Fridrix Merts nəticəni “fəlakət” adlandırıb, lakin həm kansler, həm də CDU sədri vəzifələrindən istefa vermək niyyətində olmadığını açıqlayıb.

Müəllif: Adəm