Almaniya bu ölkəyə dörd qırıcı təyyarə göndərdi

Almaniya Hərbi Hava Qüvvələrinin dörd “Eurofighter” qırıcısı ölkənin hava məkanının mühafizəsini müvəqqəti gücləndirmək üçün Latviyaya gəlib.

Publika.az xəbər verir ki, bu barədə respublikanın Milli Silahlı Qüvvələri məlumat yayıb.

Qırıcılar Lielvarde hərbi bazasında yerləşdirilib. Onlar NATO-nun hava və raketdən müdafiə tədbirləri çərçivəsində tapşırıqları yerinə yetirəcəklər.

Təyyarələrin yerləşdirilməsi, həmçinin NATO-nun müttəfiq qüvvələrin operativ şəkildə köçürülməsi və qəbul edilməsi imkanlarını, eləcə də Lielvarde bazasının alyans ölkələrinin aviasiyasının qəbulunu və dəstəklənməsini təmin etmək hazırlığını yoxlamağa imkan verəcək.

“Eurofighter” qırıcıları Latviyada qısamüddətli qalacaqlar. Latviya hərbçiləri daha əvvəl Almaniyanın parlament seçkiləri dövründə respublikanın hava məkanının mühafizəsini gücləndirəcəyini bildirmişdilər. Müvafiq tapşırıqların yerinə yetirilməsinə İtaliya və Türkiyənin hərbi hava qüvvələri də cəlb olunacaq.

Latviyada parlament seçkiləri oktyabrın 3-də keçiriləcək - 15-ci seymin 100 deputatı seçiləcək. Səsvermə beş seçki dairəsində – Riqa, Vidzeme, Latqale, Zemqale və Kurzemedə baş tutacaq.

Hüseyn İbadlı