Finlandiya Prezidentinin açıqlaması başına bəla oldu - Maskı dilə tutub ki..

Finlandiya Prezidenti Aleksandr Stubb faktiki olaraq özünü hərbi tribunal qarşısında mühakimə olunmaq vəziyyətinə salıb.

Publika.az xəbər verir ki, bu barədə TASS-a müsahibəsində fin hərbi müxbiri Kosti Heyskanen bildirib.

“O etiraf etdi ki, Rusiyanın dərinliklərinə zərbələr endirməsi üçün Ukraynaya “Starlink” verməsi üçün Maskı dilə tutub. Qulaq asın, o sadəcə olaraq, necə deyərlər, hərbi tribunal altında imza atıb”, – deyə agentliyin həmsöhbəti vurğulayıb.

O, həmçinin qeyd edib ki, Helsinki Ukrayna lideri Volodimir Zelenkiyə dəstək göstərməklə özü terror yoluna qədəm qoyur.

Bundan əvvəl hərbi müxbir həmçinin qeyd etmişdi ki, Finlandiya prezidentinin hərəkətləri onun özünün mənfəət götürdüyü Ukraynadakı münaqişəni qızışdırır. Heyskanenin fikrincə, Stubb Finlandiyanı NATO-nun hərbi poliqonuna çevirmək niyyətindədir.

Stubb bir gün əvvəl – sentyabrın 25-də Maska etdiyi xahiş haqqında danışıb. O izah edib ki, Kiyevin Rusiya ərazisinin dərinliklərinə zərbələr endirmək üçün peyk rabitəsindən istifadə edə bilməsi məqsədilə amerikalı iş adamını “Starlink”in əhatə dairəsini genişləndirməyə çağırıb. Bununla belə, “SpaceX”in rəhbəri artıq öz sisteminin bu cür tətbiqinə qarşı çıxış etmişdi.

Hüseyn İbadlı