Mertsin partiyasının reytinqi kəskin aşağı düşdü
Bizi izləyin

Avropa

Mertsin partiyasının reytinqi kəskin aşağı düşdü

Mertsin partiyasının reytinqi kəskin aşağı düşdü

Almaniya Federativ Respublikasının kansleri Fridrix Mertsin rəhbərlik etdiyi Xristian-Demokrat İttifaqı və Xristian-Sosial İttifaqından (XDİ/XSİ) ibarət blokun reytinqi 19%-ə düşüb.

Publika.az xəbər verir ki, bu barədə İnsa İnstitutunun “Bild” qəzeti üçün keçirdiyi sorğunun nəticələrində qeyd edilib.

Sosioloji sorğunun nəticələrinə görə, qalib "Almaniya üçün Alternativ" (AfD) sağçı partiyası olub. Partiyaya dəstək 29% təşkil edib. Üçüncü yerdə 15%-lə “Yaşıllar” partiyası qərarlaşıb, onun ardınca 14%-lə Almaniya Sosial-Demokrat Partiyası (ASDP) gəlir. “Sol” partiyası respondentlərin 10%-nin dəstəyini qazanıb.

1203 nəfərin iştirak etdiyi sorğu sentyabrın 21-dən 25-dək keçirilib. Statistik xəta 2,9% təşkil edir.

Sentyabrın 21-də XDİ-nin Almaniya parlamentindəki fraksiyasının sədr müavini Günter Krinqs partiyanın federal əyalətlərdə keçirilən seçkilərdə uğursuzluğundan sonra Mertsin kansler vəzifəsindən mümkün istefasına yol açıb.

Hüseyn İbadlı

Oxumağa davam et
Reklam
Reklam

Gündəm

Zəfaran Hospital
Səba