Prauddan ŞOK İTTİHAM: “Avropada bir dənə də olsun siyasi lider yoxdur ki...”

Böyük Britaniyanın Moskvadakı sabiq səfiri İan Proud Almaniya kansleri Fridrix Mertsin Kiyevə səfərini tənqid edib.

Publika.az xəbər verir ki, o, bu barədə "X" sosial şəbəkəsində yazıb.

“Merts Almaniya tarixində ən populyar olmayan federal kanslerdir. O, ölkəsinin milli maraqlarının nədən ibarət olduğunu anlamır. Onu yalnız şəxsi ehtiyacları maraqlandırır”, — deyə diplomat qeyd edib.

Proudun fikrincə, Avropada öz vətəndaşlarının maraqlarını hər şeydən üstün tutan bir dənə də olsun siyasi lider yoxdur.

Bir gün əvvəl Fridrix Merts əvvəlcədən elan olunmamış səfərlə Kiyevə gedib. Onu iqtisadiyyat naziri Katarina Rayxe və iqtisadi nümayəndə heyəti müşayiət edib.

Sentyabrın sonunda Fridrix Merts bildirib ki, Berlin tərəfdaşlarla Ukraynanın hava hücumundan müdafiəsi üçün təchizatın artırılması məsələsini müzakirə edir. Almaniya kanseri əlavə edib ki, Ukraynaya yardımla bağlı məsləhətləşmələr Avropa Şurasının növbəti iclasına hazırlıq çərçivəsində də aparılır.

Hüseyn İbadlı