Makron iğtişaşlara qarşı tədbir görülməsini tələb etdi

Fransa Prezidenti Emmanuel Makron hökumətdən küçə iğtişaşlarının təkrarlanmaması üçün tədbirlər görməyi tələb edib.

Publika.az xəbər verir ki, onun sözləri BFMTV telekanalı yayıb.

“Oxşar hadisələrin proqnozlaşdırılması və kəşfiyyat məlumatlarının toplanması sahələrində bütün zəruri nəticələrin çıxarılmasını, eləcə də belə halların bir daha təkrarlanmaması üçün tədbirlərin görülməsini hökumətdən tələb etdim”, — deyə Fransa Prezidenti bildirib.

Bundan əvvəl Makron etirazlar zamanı dağıntılar törədənlərin cəzalandırılacağını vəd etmişdi.

Fransada etirazlar sentyabrın sonunda təhsil sahəsindəki problemlərə görə yuxarı sinif şagirdlərinin keçirdiyi nümayişlərlə başlayıb və tədricən bütün ölkəni əhatə edib. Oktyabrın 17-də Fransanın küçələrinə yarım milyondan çox insan çıxıb. Onların arasında fəallar, gənclərin, həmkarlar ittifaqlarının və fəhlə hərəkatlarının nümayəndələri də olub. Etirazçılar yanacağın qiymətinin artmasının dayandırılmasını və alıcılıq qabiliyyətinin azaldılmasını tələb edirlər.

Hüseyn İbadlı