Fransada etirazlar nəzarətdən çıxdı... - “Financial Times”dan sərt təhlil

Fransada kütləvi etirazlar hakimiyyətin ictimai narazılıq qarşısında çətinlik çəkdiyini üzə çıxarıb.

Publika.az xəbər verir ki, bunu Britaniyanın “Financial Times” qəzeti yazıb.

Nəşr bildirir ki, nümayişlərin miqyasının düzgün qiymətləndirilməməsi və böhranın həlli üçün atılan addımlar hökumətin vəziyyətə nəzarəti ilə bağlı suallar yaradıb.

Nəşrin fikrincə, küçə zorakılığının artması dövlət institutlarına etimadı zəiflədir və Prezident Emmanuel Makronun siyasi mövqeyinə zərbə vurur. Qəzet hazırkı hadisələri 2018-ci ilin “sarı jiletlilər” hərəkatı ilə müqayisə edir və Fransanın indiki maliyyə imkanlarının əvvəlki dövrlə müqayisədə məhdud olduğunu vurğulayır.

Xatırladaq ki, oktyabrın 17-də yanacağın bahalaşmasına və alıcılıq qabiliyyətinin azalmasına etiraz olaraq Fransada kütləvi aksiyalar keçirilib. Təşkilatçılar nümayişçilərin sayını 800 min, Daxili İşlər Nazirliyi isə 550 min nəfər göstərib. Bir sıra şəhərlərdə aksiyalar iğtişaşlara və polislə toqquşmalara çevrilib.