Bu qızdan hər kəs qorxur - FOTOLAR

2 yaşlı qız hər an qan laxtalanmasından ölə bilər.

Publika.az xarici mətbuata istinadən xəbər verir ki, Kambri Hensley 100 mində bir rast gəlinən Klippel-Trenaunay sindromundan əziyyət çəkir. Klippel-Trenaunay sindromu damarların, həssas toxumaların və sümüklərin inkişafına təsir edir.

Kambri adlı amerikalı qızın damarları normadan iki qat böyükdür. Hər gün ağrılara qatlanan 2 yaşlı Kambrinin qan dövranının normadan artıq olması səbəbindən bədənində şişlərə səbəb olur. Bu da ölümcül qan laxtalanması riskini artırır. Xəstəlikdən dolayı kiçik qızın bir ayağı digərindən daha böyük və ağırdır. Bu da qıza rahat gəzməyə imkan vermir və o, tez-tez tarazlığını itirib yerə yıxılır. Yıxılmaması üçün ailəsi ona xüsusi olaraq ortopedik ayaqqabılar sifariş verir.

Qızın həyatda qalması üçün bahalı müalicə tələb olunur. Kambrinin anası Aşley insanların qızının ayağına qəribə baxdığı və bundan narahat olduğunu deyir. O, "Çox qorxuram, ancaq ana kimi güclü olmaq lazımdır. İnsanlar hər gün qızımın ayağına nə olduğunu soruşur. Ürək ağrısı ilə doğuş ləkəsi olduğunu deyirəm" – deyə bildirib.

Aytən