Bilgi.az

Dünyada yeni ada peyda oldu - FOTOLAR

13 Mart 2015 15:24

Sakit okeanın cənub hissəsində yeni ada peyda olub. Ada sualtı vulkanın püskürməsi nəticəsində yaranıb.

Publika.az xarici mətbuata istinadən xəbər verir ki, ada Tonqa krallığının paytaxtı Nukualofa şəhərindən 45 kilometr məsafədə yerləşir.

Adanın uzunluğu 1,8 kilometr, eni isə 1,2 kilometrdir. Lakin alimlər adanın qeyri-stabilliyi haqda xəbərdarlıq edir: ada hissələrə parçalana və dənizin dibinə bata bilər. Ada tamamilə vulkanik şlakdan təşkil olunub. Onun süxuru tünd rəngdədir və ara-sıra yerdə kristallara rast gəlinir.

Hunqa Tonqa-Hunqa Haapay vulkanı hələ dekabr ayında püskürməyə başlayıb. Bir neçə gündən sonra peykdən adanın konturları görünüb.

Yerli otelin sahibi Canpyero Orbassano yoldaşları ilə yeni yaranmış adaya səyahət etməyə qorxmayıb. Onun sözlərinə görə, adsız adanın səthi möhkəmlənsə də, hələ də istidir. Adanın mərkəzində yerləşən kraterə qalxan dostlar orada kükürd iyi verən yaşıl gölə də rast gəliblər.

Nura