Yaraşıqlı polis hərəkəti iflic vəziyyətə saldı - FOTOLAR

Çinin Çuntsin şəhərində çalışan polis işçisi Lonq Keyi sözün əsil mənasında yolda hərəkəti iflic vəziyyətə salıb. İş ondadır ki, yaraşıqlı polis işçisinə tamaşa etmək, onunla şəkil çəkdirmək üçün minlərlə qadın növbəyə düzülüb.

Publika.az xarici mətbuata istinadən xəbər verir ki, marafon yürüşündə iştirak edən qadınlar polis Lonq Keyi ilə "selfie" çəkdirmək üçün yarışı tərk edərək növbəyə düzülüb.

Bir çoxları 29 yaşlı polisi Çin filmlərindən olan füsunkar aktyora bənzədib. Yüzlərlə qadın onunla şəkil çəkdirdikdən sonra "Facebook" sosial şəbəkəsində bölüşüb.

Lonq Keyi ilə şəkil çəkdirmək isatəyən qadınlar onun avtomobilini mühasirəyə alıb. Nəticədə, polis işçisi idman yarışlarının keçirildiyi ərazini tərk etməli olub.

Lonqun iş yoldaşları isə qadınlara pis xəbər verməli olub. Sən demə Lonq elə bu yaxınlarda evlənib. Onun yoldaşlarından biri deyib: "Lonq bu yaxınlarda toy edib və təzəlikcə məzuniyyətdən qayıdıb. Bu hadisədən arvadının məyus olacağına heş də şübhə etmirəm".

Nura