Kriminal

Məktəb direktoru şagirdin intiharından danışdı - "SONUNCU DƏFƏ..."

10 Fevral 2019 15:26

Fevralın 9-na keçən gecə Biləsuvar rayonunda məktəbli oğlanın intihar etməsi barədə məlumat vermişdik.

Publika.az xəbər verir ki, rayonun Çinarlı kəndində kənd sakini, 2004-cü il təvəllüdlü Asəf Xeyrulla oğlu Həsənovun özünü qonşunun bağında ağacdan asaraq intihar etməsi ilə bağlı Biləsuvar rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə iş başlanılıb. Araşdırma aparılır.

İntihar edən məktəblinin təhsil aldığı Çinarlı kənd orta məktəbinin direktoru Təzəbəy Ağayev Publika.az-a bildirib ki, həyatına son qoyan 15 yaşlı Asəf müsbət xarakterli şagirdlərdən olub: “Sonuncu dəfə fevralın 8-də dərslərində iştirak edib, davamiyyəti normal olub. Görünür ailədə nə isə söz-söhbət olub. Hər bir ailədə belə xırda narahatlıqlar ola bilər. Uşaq da gedib özünə qsəd edib”.

Qeyd edək ki, intihara ilkin səbəb kimi Asəfi atasının danlaması göstərilir.