Rektor büdcədən 25 milyon oğurlayıb - Məhkəmə hökm oxudu

Moskvada məhkəmə Rusiya Dövlət Geoloji Kəşfiyyat Universitetinin (MGRI) rektoru Vadim Kosyanovu büdcədən 25 milyon rubl mənimsədiyinə görə ümumi rejimli koloniyada 5 il müddətinə azadlıqdan məhrum edib.

Publika.az xəbər verir ki, bu barədə "Lenta.ru"ya Rusiya FSB-nin paytaxt üzrə İdarəsi məlumat verib.

Kosyanov Rusiya Federasiyası Cinayət Məcəlləsinin 159-cu maddəsi (“Dələduzluq”) ilə təqsirli bilinib.

Müstəntiqlərin fikrincə, o, Rusiya Elm və Ali Təhsil Nazirliyinin Dövlət Qulluğu və Kadrlar Departamentinin direktor müavini Vera Samorodova ilə birlikdə, habelə ona tabe olan əməkdaşların əlbirliyi ilə MGRI-dən dəfələrlə pul oğurlayıb. Nəticədə o, büdcəyə 25 milyon rubldan çox ziyan vurub.

Kosyanov həmkarları və Samorodova ilə birlikdə MGRI ilə cinayət əməllərindən xəbəri olmayan, maaşları yanlış hesablanmış şəxslər arasında qondarma əmək müqavilələri bağlayıb. Təqsirləndirilən şəxslər bu pulu oğurlayıblar.

Cinayətdə şəriklər də mühakimə olunublar. Üstəlik, onlar nazirliyə 23 milyon rubldan çox vəsait ödəməlidirlər.

Adəm