“Kanal 11” internet televiziyasının direktoruna hökm oxundu

“Kanal 11” internet televiziyasının direktoru Teymur Kərimov və onunla birlikdə mühakimə olunan İstək Totiyevanın cinayət işi üzrə məhkəmə prosesi keçirilib.

Publika.az Teleqraf.com-a istinadən xəbər verir ki, bu gün Bakı Ağır Cinayətlər Məhkəməsində hakim Azad Məcidovun sədrliyi ilə keçirilən prosesdə hökm oxunub.

Məhkəmənin hökmü ilə Teymur Kərimov 8 il müddətinə azadlıqdan mərhum edilib. İstək Totiyevanın barəsində Cinayət Məcəlləsinin 70- (şərti məhkum etmə) maddəsi tətbiq olunub. Ona 2 il sınaq müddəti olmaqla şərti cəza verilib.

Qeyd edək ki, bundan əvvəl keçirilən prosesdə çıxış edən dövlət ittihamçısı Teymur Kərimovun 9 il , İstək Totiyevanın isə 3 il müddətinə azadlıqdan mərhum edilməsini təklif edib. İstək Totiyevanın barəsində həbs qətimkan tədbirinin seçilməsi və məhkəmə zalından həbs edilməsinin istəyib.

Teymur Kərimov və İstək Totiyevanın barəsində Cinayət Məcəlləsinin 182.2.1-ci (hədə-qroxu yolu ilə tələb etmə, qabaqcadan əlbir olan bir qrup şəxs tərəfindən törədildikdə) maddəsi ilə ittiham elan edilib.

İttihama görə, Teymur Kərimov və İstək Totiyeva hədə-qorxu yolu ilə zərərçəkmişlərdən pul tələb etməkdə təqsirli bilinirlər.

İstək Totiyevanın barəsində cinayət işi başlanılıb. Onun barəsində başqa yerə getməmək barədə qətimkan tədbiri seçilib.

Cinayət işi üzrə Leyla Gülməmməd qızı Almaszadə və Fərrux Yaşar oğlu Ələkbərov zərərçəkmiş qismində tanınıblar.