Məhkəmədən Karapetyanla bağlı qərar - Yeniləndi

İrəvan şəhərinin birinci instansiya məhkəməsi iş adamı Samvel Karapetyanın iki ay müddətinə həbs edilməsi barədə qərar çıxarıb.

Publika.az xəbər verir ki, onun vəkili qərarın qanunsuz olduğunu bildirib.

***

Erməniəsilli rusiyalı biznesmen Samvel Karapetyanın barəsində həbs-qətimkan tədbirinin seçilməsi ilə bağlı məhkəmə başa çatıb.

Publika.az Rusiya mətbuatına istinadən xəbər verir ki, bu barədə onun vəkili Armen Feroyan bildirib.

“Məhkəmə iclası başa çatıb. Müdafiə və ittiham tərəfi isə öz arqumentlərini təqdim edib. Məhkəmə qərar qəbul etmək üçün fasiləyə çıxıb", - vəkil deyib.

Onun sözlərinə görə, yaxın saatlarda qərar veriləcək.

Karapetyan məhkəmədə ona qarşı irəli sürülən ittihamların əsassız olduğunu söyləyib.

Xatırladaq ki, S.Karapetyan Ermənistan Cinayət Məcəlləsinin 422-ci maddəsinin 2-ci hissəsi, yəni hakimiyyətin ələ keçirilməsinə açıq çağırış, ərazi bütövlüyünün pozulması, suverenlikdən imtina, konstitusiya quruluşunun zorakılıqla devrilməsi ilə ittiham olunur.