Saxta orden və medal təsis edən QHT sədrləri saxlanıldı
Bizi izləyin

Kriminal

Saxta orden və medal təsis edən QHT sədrləri saxlanıldı

Saxta orden və medal təsis edən QHT sədrləri saxlanıldı

Saxta orden və medallar,habelə müxtəlif təyinatlı vəsiqələr hazırlayıb satan şəxslər müəyyən olunublar.

DİN-in mətbuat xidmətindən Publika.az-a bildirilib ki, polis əməkdaşları tərəfindən keçirilən tədbirlərlə qanunsuz fəaliyyətlə məşğul olan - “Azərbaycan Vətən Müharibəsi Veteranları” İctimai Birliyinin sədri Füzuli Rzaquliyev və “Dədə Qorqud” Xeyriyyə Fondunun rəhbəri Eldar İsmayılov saxlanılıblar.

Bu təşkilatların ofislərindən dövlət əhəmiyyətli xüsusi gün və əlamətdar hadisələri özündə əks etdirən çoxlu sayda medal və ordenlər, vəsiqələr, müxtəlif möhürlər və digər saxta predmetlər aşkar olunaraq maddi sübut kimi götürülüb.

Faktla bağlı Cinayət Məcəlləsinin rəsmi sənədləri, dövlət təltiflərini, möhürləri, ştampları, blankları saxtalaşdırma, əlavə hazırlama, satma və ya saxta sənədlərdən istifadə etmə maddəsi ilə cinayət işi başlanılıb, F.Rzaquliyev və E.İsmayılov istintaqa cəlb olunublar.

Cinayət işi üzrə istintaq tədbirləri davam etdirilir.

Oxumağa davam et
Reklam
Reklam

Gündəm

Zəfaran Hospital
Səba